Qanat Islamnyń kelesi aıqastarynyń qashan ótetini belgili boldy
MAIAMI. QazAqparat – Qazaqstandyq boksshy Qanat Islam (28-0, 22 KO) bıyl taǵy eki jekpe-jek ótkizýdi josparlap otyr, dep habarlaıdy QazAqparat Sports.kz-ke silteme jasap.
Bul týraly The Ring-ke bergen suhbatynda 36 jastaǵy qazaqstandyqtyń promoýteri Nelson Lopes málim etti. Lopestiń aıtýynsha, olar maýsym men qyrkúıek aılaryna josparlanǵan. Bul kúrdeli aıqas aldyndaǵy «boı jazatyn» jekpe-jekter bolmaq.
Eske sala keteıik, Qanat Islam 2019 jyldyń qazanynda Ýolter Kaýtondokvýdy(18-2, 17 KO) jeńip, WBO International nusqasy boıynsha orta salmaqta chempıon belbeýin qorǵaǵan bolatyn. Sodan beri ol sharshy alańǵa shyqpaǵan edi. Búgin qazaqstandyq boksshy Maıamıde (AQSh) ekvadorlyq Djeıson Mındany (14-4-1, 8 KO) jetinshi raýndta nokaýtpen jeńdi.
