Qanat Islamnyń qarsylasy Alloteı Qazaqstanǵa keldi
ASTANA. QazAqparat - Qazaqstandyq boksshy Qanat Islammen kezdesý úshin ganalyq boksshy Patrık Alloteı óz bapkerimen Qazaqstanǵa keldi, dep habarlady pulse.com.gh.
26 jastaǵy afrıkalyq 36 kezdesý ótkizip, ekeýinde ǵana utylǵan, qalǵan jekpe-jekterin jeńispen aıaqtaǵan.
Ol óz karerasynyń basynda ol barlyq 30 jekpe-jekte jeńiske jetip, tek ekeýinde jeńildi. Alǵashynda 2014 jyly Zambııada Zımbabve boksshysy Charlz Manıýchıdn jáne 2015 jyly AQSh-ta brazılııalyq boksshy Patrık Tekseırge ese jiberdi.
Qanat Islam osy ýaqytqa deıin 21 kezdesý ótkizip, bárinde jeńiske jetken.
Gananyń burynǵy chempıony jáne orta salmaqtaǵy WBC International Silver chempıony «Qanat Islamdy jeńemin» dep sanaıdy.
Qanat Islam WBA Fedelatin nusqasy boıynsha óz beldigin qorǵamaq. Sondaı-aq WBO Inter-Continental jáne IBO International nusqalary boıynsha chempıon beldikteri sarapqa salynady.
«Tehnıka, taktıka boıynsha jumys istedik jáne jekpe-jekke daıynbyz. Bul ońaı bolmaıtynyn bilemiz, alaıda alynbaıtyn qamal joq», - dedi Alloteıdiń bapkeri Oforı Asare ushar aldynda.
Bapker Asare shákirti Qazaqstan jankúıerlerinen jasqanbaıtynyna da senimdi.
Bapkerdiń sózine qaraǵanda, Alloteı jeńse, onyń jeńimpaz retinde bedeli kóteriledi.
Eske sala keteıik, 29 qazanda Almatyda «Almaty arena» sport kesheninde Qanat Islam men Patrık Alloteıdiń jekpe-jegi ótedi. Qanat Islamnan basqa boks keshinde Janqosh Turarov, Rýslan Myrsataev, Álı Ahmetov, Aıdar Sháribaev, Aıdos Erbosynuly sharshy alańǵa shyǵatyn bolady.
