Qanat Islamnyń Almatydaǵy tıtýldy jekpe-jegine bıletter satyla bastady
Boks jankúıerleri kútken jańalyq «Qazaq promotions» kompanııasynyń instagram paraqshasynda jarııalandy.
«Bıletter satylymy bastaldy! Zakazbiletov.kz - profıldegi belsendi silteme. Sondaı-aq, offlaın túrde «ZAKAZBILETOV.KZ keńsesinen (Naýryzbaı batyr 152A mekenjaıynan), «Ovatsııa» turǵyn úı kesheniniń 4 keńsesinen alýǵa bolady. Jumys kestesi 10:00-18:00 aralyǵy. Bıletter úzilissiz, senbi jáne jeksenbi-demalys kúnderi de satylady. Sondaı-aq, Balýan Sholaq atyndaǵy mádenıet jáne sport saraıy ǵımaratyndaǵy - «Visit Almaty» ortalyǵynan bılet alýǵa bolady», - delingen habarlamada.
Esterińizge sala keteıik, osyǵan deıin Qanat Islamnyń qarsylasy belgili bolǵanyn jazǵan edik.
Atalǵan boks keshinde basty jekpe-jek Qanat Islam (26-0, 21 KO) men namıbııalyq Ýolter Kaýtondokva (18-1, 17 KO) arasynda ótedi. Al osy boks keshi aıasynda taǵy Arman Rysbek (6-0, 5 KO), Rýslan Myrsataev (6-0, 6 KO), Asqar Erýbek (1-0, 1 KO), Nursultan Amanjolov (1-0, 0 KO) pen Beksultan Raýshanovtyń (5-1, 3 KO) jekpe-jekteri josparlanǵan.