Qanat Islamnyń Almatydaǵy tıtýldy jekpe-jeginde taǵy kimder sharshy alańǵa shyǵady

NUR-SULTAN. QazAqparat - 26 qazanda Almatyda ótetin Qanat Islamnyń tıtýldyq jekpe-jeginde sharshy alańǵa taǵy kimder shyǵatyny belgili boldy, dep habarlaıdy QazAqparat tilshisi.

Bul týraly «Qazaq promotions» kompanııasynyń Instagram paraqshasynda jarııalandy.

Esterińizge sala keteıik, osyǵan deıin Qanat Islamnyń qarsylasy belgili bolǵanyn jazǵan edik.

Atalǵan boks keshinde basty jekpe-jek Qanat Islam (26-0, 21 KO) men namıbııalyq Ýolter Kaýtondokva (18-1, 17 KO) arasynda ótedi.

Al osy boks keshi aıasynda taǵy Arman Rysbek (6-0, 5 KO), Rýslan Myrsataev (6-0, 6 KO), Asqar Erýbek (1-0, 1 KO), Nursultan Amanjolov (1-0, 0 KO) pen Beksultan Raýshanovtyń (5-1, 3 KO) jekpe-jekteri josparlanǵan. Qazaq boksshylarynyń qarsylastary kim bolatyny ázirge belgisiz.

«Jaqyn arada baspasóz máslıhaty uıymdastyrylyp, onda barlyq málimetter jarııalanady», - delingen Qazaq Promotions habarlamasynda.