Qanat Islamnyń jekpe-jegi keıinge qaldy

ASTANA. KAZINFORM – Qazaqstandyq kásipqoı boksshy Qanat Islam Almatyda ótýi tıis jekpe-jeginiń keıinge shegerilgenin málimdedi, dep habarlaıdy Sports.kz.

Boksshynyń aıtýynsha, 27 jeltoqsanǵa josparlanǵan boks keshine ol qatysa almaıdy.

– Qurmetti jankúıerlerim, 27-si kúni Almatyda ótýi tıis boks keshine men shyqpaımyn. Buǵan birqatar sebep bar, sonyń ishinde qarsylastarǵa baılanysty máseleler týyndady. Eger bári oıdaǵydaı bolsa, jekpe-jek shamamen bir jarym aıǵa keıinge qalady. Naqty kúni belgili bolǵanda mindetti túrde habarlaımyz, – dedi Qanat Islam áleýmettik jelidegi paraqshasynda.

41 jastaǵy boksshy 2008 jylǵy Beıjiń Olımpıadasynyń qola júldegeri. Ol 27 jeltoqsanda Almatyda ótetin kásipqoı boks keshinde sharshy alańǵa shyǵýy tıis bolǵan.

Aıta keteıik, Qanat Islam kásipqoı boksta birqatar jetistikke jetken. Ol birinshi orta salmaqta WBA Inter-Continental, WBO NABO, WBO Inter-Continental, WBA Fedelatin jáne WBA Fedecaribe tıtýldarynyń ıegeri.