Qanat Islamǵa «Kanelonyń» eks-qarsylasymen kezdesý usynyldy
ASTANA. QazAqparat - Qazaqstandyq boksshy Qanat Islamǵa (25-0, 20 KO) WBO tujyrymy boıynsha birinshi orta salmaqtaǵy álem chempıony ataǵy úshin talasyp kórýge usynyldy, dep habarlaıdy QazAqparat Sports.kz saıtyna silteme jasap.
Onyń yqtımal qarsylasy retinde brıtandyq Lıam Smıt (26-1-1, 14 KO) ataldy. Smıt Saýl Alvarestiń burynǵy opponenti (49-1-2, 34 KO). Aıta keteıik, Smıt qazir WBO-nyń «ýaqytsha beldigine» ıe: beldik tolyqqandy Mıgel Kottoǵa (41-5, 33 KO) tıesili. Kotto 2 jeltoqsan kúni ony Sadam Alımen (25-1, 14 KO) bolatyn aıqasta qorǵap qalýǵa tyrysatyn bolady.
«WBO Qanat Islam men Lıam Smıttiń jekpe-jegin sanktsııalasyn. Álem chempıony beldigi Kotto Alıdi jeńgennen keıin bos bolady», - dep jazady EspaBox.com jýrnalısi Djýlıýs Djýlıanıs.
Eske salaıyq, Kotto Alımen ótetin kezdesýden keıin kásibı mansabyn aıaqtaýdy josparlaýda. Jekpe-jek 2 jeltoqsan kúni Nıý-Iorkte ótedi.
