Qanat Islamdy Shúmenov daıyndap jatyr
ASTANA. QazAqparat - Qanat Islamdy birinshi aýyr salmaqtaǵy álemniń eks-chempıony Beıbit Shúmenov daıyndap jatyr, dep habarlaıdy QazAqparat.
Qazaqstan kásipqoı boks federatsııasynyń resmı saıty taratqan málimetke súıensek, «QAZAQ» Shymkent qalasynyń «Royal Club Fitness & SPA» zalynda kúnine 3 saǵattan jattyqtyryp jatyr.
Jattyǵý tehnıkalyq múmkindikterdi arttyrýǵa arnalǵan.
Qanat Islam jeltoqsan aıynyń ortasynda AQSh-qa attanady.
Esterińizge sala keteıik, Qanat Islamnyń kelesi mindetti qarsylasy amerıkalyq boksshy Djon Vera bolýy múmkin.
WBA qaýymdastyǵynyń habarlaýynsha, taraptarǵa habarlandyrý 21 qarashada jetkizilip, eki boksshynyń komandasyna kelissózder ótkizýge 30 kún ýaqyt berilgen.
Eger taraptar jekpe-jek týraly naqty kelisimge kele almasa, kezdesýdi ótkizý quqyǵy bássaýdaǵa qoıylady.
