Qanat Islamdy álemdik deńgeıdegi daryn ıesi dep atady
ASTANA. QazAqparat - «Delaware County Daily Times»-tyń tilshisi Qanat Islam (23-0, 19 KO) men Robson Assıstiń (16-4, 9 KO) jekpe-jegine qatysty pikirimen bólisti.
«Qazaqstandyq Qanat Islam brazılııalyq Robson Assısti birinshi raýndta-aq nokaýtqa jiberip, óziniń statıstıkasyn 23-0-ke jetkizdi. Naǵyz jaýynger. Álemdik deńgeıdegi daryn ıesi», - dep jazdy Makkaferı Tvıtterde.
Eske salaıyq, búgin Ýılmıngton qalasynda (AQSh, Delaver shtaty) WBO Intercontinental jáne WBA Fedelatin tujyrymdary boıynsha Álem chempıony, birinshi orta salmaqtaǵy Qanat Islam (22-0-0, 19 KO) men brazılııalyq Robson Assıs (17-4-0, 9 KO) arasynda kezdesý ótti. Qazaqstandyq boksshy qarsylasyn birinshi raýndtyń sońynda sulatyp saldy.
Boksshylardyń kezdesýi kishi Roı-Djonstyń boks keshiniń aıasynda ótken bolatyn.
Bul álemge «Qazaq» degen atpen tanylǵan Qanat Islamnyń kásipqoı rıngtegi 23-shi kezdesýi. Ol osyǵan deıin ótkizgen 22 kezdesýdiń barlyǵynda jeńiske jetip, onyń 18-in nokaýtpen aıaqtady.
