Qanat Islam jankúıerlerimen kezdesedi
ASTANA. QazAqparat - Belgili qazaqstandyq kásipqoı boksshy Qanat Islam jankúıerlerimen kezdesý ótkizedi, dep habarlaıdy QazAqparat tilshisi.
Bul týraly sportshynyń PR menedjeri Berik Sultan óziniń Feısbýk paraqshasynda jazdy.
«Qurmetti jankúıerler, Almaty turǵyndary men qonaqtary! Erteń Almaty qalasynda Rozybakıev kóshesindegi «MEGA ALMA-ATA»-nyń 1 qabatynda əlemge əıgili UNDER ARMOUR sporttyq dúkeni ashylady. Ashylý qurmetine oraı, Qanat Islam saǵat jankúıerlerimen sol jerde júzdesedi. Sýretke túsip, qoltańba alǵyńyz kelse biz sizderdi kútemiz. 26 jeltoqsan, saǵat 19:00-de kezdeskenshe», - dep jazdy ol.
Esterińizge sala keteıik, Qanat Islam sońǵy kezdesýin 9 qyrkúıek kúni elordamyz Astana qalasynda ótkizip, kanadalyq Brendon Kýkty (18-1, 11 KO) toǵyzynshy raýndta tehnıkalyq nokaýtpen jeńdi. Osylaısha otandasymyz WBO NABO jáne WBA Inter-Continental belbeýlerin saqtap qaldy.
