Qanat Islam jankúıerleri úshin ashyq jattyǵý ótkizedi
ASTANA. QazAqparat - Qanat Islam jankúıerleri úshin ashyq jattyǵý ótkizedi, dep habarlaıdy QazAqparat.
«Qanat Islam jekpe-jek aldynda BAQ ókilderi men jankúıerleri úshin arnaıy ashyq jattyǵýyn ótkizbek. Іs-shara 15 qazan, saǵat 11:00-de Seıfýllın-Maqataev kósheleriniń qıylysyndaǵy «Mega park» saýda oıyn-saýyq ortalyǵynyń 3 qabatynda ótedi. Arnaıy rıng qurylady. Qanat Islam jattyǵýdy bapkeri Nelson Lopezpen birge jasaıdy», - delingen Almaty qalalyq dene shynyqtyrý jáne sport basqarmasy taratqan aqparatta.
Aıta keterligi, Qanat Islam jattyǵý sońynda BAQ ókilderine arnaıy suqbat berip, jankúıerler úshin syılyqtar taratýy josparlanǵan.
Esterińizge sala keteıik, 29 qazanda Almatyda «Almaty arena» sport kesheninde Qanat Islam men Patrık Alloteıdiń jekpe-jegi ótedi. Qanat Islam óziniń «WBA fedelatin» chempıondyq belbeýin qorǵap, jartylaı orta salmaqta «WBO intercontinental» tujyrymynyń chempıondyq belbeýi úshin judyryqtasady.
