Qanat Islam WBO tıtýlynan aıyryldy

NUR-SULTAN. QazAqparat – Esh jeńilip kórmegen qazaqstandyq boksshy Qanat Islam (28-0, 22 KO) orta salmaqtaǵy WBO International tıtýlynan aıyryldy, dep habarlaıdy QazAqparat Sports.kz saıtyna silteme jasap.

Dúnıejúzilik boks uıymynyń mundaı sheshim qabyldaýyna qazaqstandyqtyń belsendiliginiń tómendigi jáne tıtýldy qorǵaı almaýy sebep bolǵan. 2019 jyly Ýolter Kaýtondokvamen (18-2, 17 KO) bolǵan aıqasta belbeýdi jeńip alǵannan keıin Qanat bir ǵana jekpe-jek ótkizdi.

Endi orta dıvızıondaǵy WBO International belbeýi BoxRec.com saıtynda bos oryn retinde kórsetilgen jáne onyń jańa ıesi 15 qańtarda reseılik Andreı Sırotkınmen (19-1-1, 7 KO) basqa qazaqstandyq Meıirim Nursultanovtyń jekpe-jeginde anyqtaý josparlanýda. Bul aıqas Aqtaýda ótedi.