Qanat Islam WBO reıtınginiń úzdik úshtiginen shyǵyp qaldy
ASTANA. QazAqparat - Búkilálemdik boks uıymynyń (WBO) jańartylǵan reıtıngi shyqty, dep habarlaıdy Sports.kz.
Reıtıngtegi orta salmaqta WBO NABO beldikterin ıelengen Qazaqstannyń jalǵyz ókili Qanat Islam (25-0, 20 KO) munyń aldyndaǵy jarııalymnan eki saty tómen syrǵyǵan.
Endi bizdiń boksshymyz tórtinshi orynda turaqtady. Dvızıondaǵy alǵashqy úsh oryndy brıtanııalyq Lıam Smıt, avstralııalyq boksshy Dennıs Hogan jáne Tumandy Albıonnyń taǵy bir ókili Djımmı Kellı enshiledi.
Aıta ketsek, Islam sońǵy ret rıngke 9 qyrkúıekte Astanada shyǵyp, toǵyzynshy raýndta kanadalyq Brendon Kýkty (19-1, 12 KO) tehnıkalyq nokaýtpen jeńgen edi.
