Qanat Islam WBO reıtınginiń úzdik úshtigine kirdi

NUR-SULTAN. QazAqparat – Qazaqstandyq boksshy Qanat Islam (27-0, 21 KO) Dúnıejúzilik boks uıymynyń (WBO) jańartylǵan reıtınginde bir satyǵa kóterildi, dep habarlaıdy QazAqparat Sports.kz portalyna silteme jasap.

Rangter týraly kesteniń jańa shyǵarylymynda jartylaı orta salmaqtaǵy WBO International ataǵynyń ıegeri meksıkalyq Haıme Mýngııadan (35-0, 28 KO) jáne brıtandyq Lıam Ýılıamsten (22-2-1, 17 KO) keıin úshinshi orynǵa turaqtady. Orta salmaqta WBO tujyrymy boıynsha álem chempıony ataǵyn AQSh ókili Demetrıýs Andrade (29-0, 18 KO) jeńip aldy.

Aıta keteıik, búginge deıin óziniń sońǵy aıqasyn Qanat Islam 26 qazanda Almaty qalasynda namıbııalyq Ýolter Kaýtondokvýǵa qarsy ótkizip, tóreshilerdiń biraýyzdy sheshimimen jeńiske jetti.