Qanat Islam WBC reıtınginde eki satyǵa kóterildi
ASTANA.QazAqparat - Birinshi orta salmaqtaǵy WBO NABO jáne WBA Inter-Continental tıtýlynyń ıegeri Qanat Islam (24-0, 19 KO) Búkilálemdik boks keńesiniń (WBC) tamyz aıyndaǵy reıtınginde eki satyǵa kóterildi, dep habarlaıdy QazAqparat.
Jańartylǵan reıtıngide Qanat 21-shi orynda, al qarsylasy Brendon Kýk (18-0, 11KO) 19-shy orynǵa jaıǵasqan. Ekinshi jartylaı jeńil salmaqtaǵy WBC International tıtýlynyń ıegeri Bekman Soılybaev 25-shi orynnan, birinshi aýyr salmaqtaǵy Isa Aqberbaev 37-shi orynnan kórindi.
Aıta keteıik, Qanat Islam WBC uıymynyń reıtıngine alǵash ret aǵymdaǵy jyldyń maýsym aıynda iligip, 25-shi orynda bolǵan. Al shilde aıynyń jańartylǵan reıtıngisinde Qanat 23-shi orynǵa jaıǵasqan.
Bul kúnde Qanat birinshi orta salmaqta WBA núsqasy boıynsha Inter-Continental jáne Fedelatin, WBO Inter-Continental jáne NABO tıtýlynyń ıegeri atanyp otyr. Al bul salmaqta WBC jáne IBF nusqasy boıynsha álem chempıony amerıkalyq Djermell Charlo jáne Djarrett Herdke, WBA jáne IBO tujyrymy boıynsha sýper chempıon jáne turaqty álem chempıony tıtýly kýbalyq Erıslandı Laraǵa tıeseli.
Saýl Alvares birinshi orta salmaqtan orta salmaqqa aýysqannan keıin, WBO nusqasy boıynsha chempıondyq ataqty 26 tamyz kúni kýbalyq Mıgel Kotto jáne japondyq Ioshıhıro Kamegaı sarapqa salady.
Eske sala keteıik, 9 qyrkúıekte Qanat Islam Astanadaǵy «Saryarqa» velotregi ǵımaratynda kanadalyq Brendon Kýkpen judyryqtasady.
