Qanat Islam WBA FedeSaribe tujyrymy boıynsha chempıon atandy
ASTANA. 19 jeltoqsan. QazAqparat - Qazaq boksshysy Qanat Islam Domınıkan Respýblıkasynda ekvadorlyq Hýmberto Toledony birinshi raýndtyń 32 cekýndtynda esinen tandyryp, taza jeńiske jetti,
dep habarlaıdy «Alaman» agenttigi.
Osylaısha, Qanat Islam kásipqoı bokstaǵy alǵashqy ataǵyna qol jetkizdi. Endi ol WBA FedeCaribe tujyrymynyń chempıony. ıAǵnı, Qanat Islam ortasha jeńil salmaq boıynsha Karıb aımaǵynyń úzdigi.
«Qanat Islamnyń bıylǵa josparlanǵan kezdesýleri bitti. Endi ol biraz demalady. Kelesi kezdesýin aqpan aıynyń sońyna josparlap otyrmyz, - dedi boksshynyń proýmoýteri Nelson Mendes «Alamannyń» tilshisine bergen suhbatynda.
28 jastaǵy qazaq boksshysy 69 kelige deıingi jartylaı orta salmaqta bokstasyp júr. Qanat Islam qazir Dúnıejúzilik boks keńesiniń (WBC ) erejesi boıynsha álem chempıony ataǵyna talasýǵa múmkindigi bar. WBC erejesine sáıkes Qanatqa reıtıngi joǵary 40 boksshydan ozý úshin barlyq jekpe-jekterinde jeńiske jetý kerek. Úzdik 15-tiń sapyna kirgen jaǵdaıda jartylaı orta salmaqtaǵy qazirgi álem chempıony «jeńilmeıtin qabylan» degen laqap aty bar AQSh boksshysy Floıd Meıýezermen (43 jekpe-jek, 43 jeńis) kezdesýi múmkin. WBO reıtıngine ilinip, úzdik 15-tiń qataryna ilinbese, Meıýezer onyń jekpe-jekke shyǵý týraly usynysyn qabyldamaıdy. Al AQSh boksshysyn jeńse, kásipqoı bokstyń erejesi boıynsha Qanat Islam álem chempıony atanady. Qazaq boksshysy osyǵan deıin Domınıkan Respýblıkasynyń bes boksshysymen kezdesip, barlyǵyn nokaýtpen jeńgen.
Aldymen, La-Ramano qalasynda Danıed Veatony (28 qyrkúıek), odan keıin Aneıdı Matresti (2 qazan) jeńdi.
Qazannyń 18-i Santo-Domıngo qalasyndaǵy kezdesýde Modesto Felıksti, 29 qazanda Nelsıdo Mıgýeldi nokaýtpen utty. Al qarashanyń 10-y kúni Hose Antonıo Rodrıgespen ótken kezdesý úshinshi raýndta toqtatylyp, Qanat Islamǵa taza jeńis berildi.
Boksshy qarashanyń 24-i kúni Kolýmbııa astanasy Bogotoda jergilikti boksshy Segýnda Herrerany ekinshi raýndta nokaýtqa jibergen edi.
Odan keıin jetinshi kezdesýinde jeńiske jetti. Pýerto-Kolýmbııa qalasynda ótken jekpe-jekte ol kolýmbııalyq boksshysy Reınaldo Eskýıvıany utty.
