Qanat Islam úshin Alloteı problema emes - Grıgorıı Stangrıt
ASTANA. QazAqparat - 29 qazanda Almatyda boks keshi ótedi. Onyń mańyzdy oqıǵasy qazaqstandyq Qanat Islam men ganalyq boksshy Patrık Alloteımen kezdesý bolmaq.
Sports.kz boksshylardyń múmkindikteri jaıly belgili reseılik sarapshy Grıgorıı Stangrıtten surady.
- Qanat Islam jaqyn arada Patrık Alloteımen kezdesý ótkizedi. Múmkindikti baǵalańyz jáne Siz Qanattyń qarsylasy týraly ne bilesiz?
- Patrık Alloteı - maǵan asa tanys emes boksshy, alaıda onyń maǵan tanys Patrık Teısheır men Charlz Manıýchıden jeńilgenine qaraǵanda, ol Islam úshin problema týdyrmaıdy. Ásirese, Qanat 100% paıyz daıyn bolsa.
- Islam kásibı sharshy alańda jaqsy óner kórsetip júr. Alaıda ol kózge kórinbeı tur, úlken jekpe-jekterdiń aýyly alys. Ol úshin ne kerek dep oılaısyz?
- Oǵan resýrstary men baılanystary bar promoýter qajet.
Atalǵan shara saǵat 18:00 bastalady dep josparlanǵan. «Qazaqstan» telearnasynda tikeleı kórsetilim bolady.
