Qanat Islam rıngke naýryz aıynyń ortasynda shyǵady
ASTANA. QazAqparat - Qazaqstandyq boksshy Qanat Islam bıylǵy jyly 4-5 kezdesý ótkizetinin aıtty. Bul týraly boksshy «Qazaqstan» arnasyndaǵy «Tańsholpan» baǵdarlamasyna bergen suhbatynda habarlady. Sondaı-aq boksshy óziniń kásipqoı rıngtegi kezekti 19-shy kezdesýin naýryz aıynyń ortasynda ótkizbek, dep jazady boxingnews.kz.
«2015 jyldyń men úshin mańyzy zor. Men naýryz aıynyń ortasynda 19-shy kezdesýimdi ótkizemin. Qazir soǵan daıyndalyp jatyrmyn. Osy jylda barlyǵy 4-5 kezdesý ótkizsem dep josparlap otyrmyn. Qazir men WBA reıtıngi boıynsha 7-shi orynda turmyn jáne 5-shi pozıtsııaǵa deıin kóterilýge múmkinshiligim bar. Eger men 5-shi pozıtsııaǵa jetsem, chempıondyq belbeý úshin kúresýge múmkindik týar edi», - dedi boksshy.
