Qanat Islam negizgi boks uıymdarynyń reıtınginen shyǵyp qaldy

ASTANA. QazAqparat - Halyqaralyq boks federatsııasy (IBF) barlyq salmaq dárejesindegi boksshylardyń kezekti aı saıynǵy reıtıngin jarııalady, dep habarlaıdy Sports.kz.

Ótken aıda reıtıngte usynylǵan jalǵyz qazaqstandyq boksshy birinshi orta salmaqtaǵy WBO-NABO jáne WBA Intercontinental belbeýleriniń ıegeri Qanat Islam (25-0, 20 KO) boldy. Jańartylǵan reıtıngke «Qazaq» kirmeı qalǵan.

Budan buryn bizdiń otandasymyz WBC, WBO jáne WBA «úzdiginen» shyǵyp qalǵan edi. Osylaısha, Qanat engen jalǵyz uıym IBO bolyp tur. Alaıda, ol kásibı bokstyń negizgi bekitilgen organdarynyń qataryna kirmeıdi.

Qanat Islam sońǵy ret rıngke bir jyl buryn - 2017 jyldyń 9 qyrkúıeginde shyqty. Ol Astanadaǵy basty boks keshinde kanadalyq  Brendon Kýkti (20-1, 13 KO) tehnıkalyq nokaýtpen jeńgen edi.