Qanat Islam men Janqosh Turarov salmaq ólsheý rásiminen sátti ótti
ASTANA. QazAqparat - Keshe Barankılede (Kolýmbııa) búgingi boks keshi aldyndaǵy salmaq ólsheý rásimi ótti, dep jazady boxingnews.kz.
Keshtiń basty jekpe-jeginde tarazyda 153 fýnt (69,4 keli) salmaqty kórsetken eshkimnen jeńilmegen 30 jastaǵy qazaqstandyq Qanat Islam salmaǵy 153,8 fýnt (69,7 keli) bolǵan 31 jastaǵy kolýmbııalyq Orlando De Hesýs Estradamen kezdesedi.
Basty jekpe-jektiń aldynda sharshy alańda 24 jastaǵy qazaqstandyq boksshy Janqosh Turarov pen 34 jastaǵy kolýmbııalyq sportshy Dýnıs Lınan kezdesedi. Boksshylardyń salmaǵy 147 fýnttan (66, 7 keli) aspaýy tıis boldy. Turarovtyń salmaǵy 147,4 fýnt (66,8 keli), al Lınan - 145 fýnt (65 keli) boldy.
Atalǵan boks keshi Kolýmbııanyń «Telecaribe» arnasynan kórsetiledi. Tikeleı efır 24 naýryz kúni Astana ýaqyty boıynsha saǵat 02:00-de bastalady.
