Qanat Islam men Janqosh Turarov IBF reıtınginde óz oryndaryn saqtap qaldy
ASTANA. QazAqparat - IBF tujyrymy boıynsha álem boksshylary reıtınginiń jańartylǵan nusqasy jarııalandy, dep habarlaıdy Sports.kz .
Qazaqstandyq boksshylar Qanat Islam men Janqosh Turarov tizimde óz oryndaryn ózgertken joq - Islam birinshi orta salmaqtaǵy reıtıngte úshinshi, al Turarov - jartylaı orta salmaqtaǵy TOP-15-te 12-shi orynda qaldy.
Aıta keteıik, reıtıng tamyz aıyndaǵy nátıje boıynsha jarııalanǵan jáne Islam men Turarovtyń 9 qyrkúıektegi aıqastarynyń jeńisterin esepke almaǵan. Bizdiń boksshylardyń pozıtsııalary kelesi aıdaǵy relızde ózgerýi múmkin.
Eske salaıyq, senbi kúni Astanada boks keshi ótti. Onyń aıasynda Qanat Islam tehnıkalyq nokaýtpen kanadalyq Brendon Kýkty jeńse, Janqosh Turarov sýdıalardyń biraýyzdan sheshimimen argentınalyq Brýno Leonardo Romeıadan basym tústi.
