Qanat Islam men Janqosh Turarov 1 naýryz kúni Máskeýde sharshy alańǵa shyǵady
ASTANA. QazAqparat - AQSh-ta jattyǵyp júrgen qazaqstandyq kásipqoı boksshylar Qanat Islam men Janqosh Turarov kezekti jekpe-jekti naýryzdyń 1-i kúni Máskeýde ótkizedi. Bul týraly sportshylar VKontakte áleýmettik jelisindegi paraqshalarynda habarlady.
WBA Fedecaribe ataǵynyń ıegeri orta salmaqtaǵy boksshy Qanat Islam Argentına boksshysy Gýıdo Nıkolas Pıtomen kezdesedi. Qanattyń qarsylasy óz karerasynda 19 ret jeńiske jetip (sonyń ishinde 3-ýin nokaýtpen), 3 ret jeńilgen.
Qanat Islam sharshy alańǵa ótken jyldyń tamyz aıynan beri shyqqan joq. Sońǵy kezdesýinde ol besinshi raýndta Kolýmbııa sportshysy Fıdel Monterros Mýnosty nokaýtqa jibergen. Bul qazaqstandyq sportyshynyń karerasyndaǵy 18-shi tabysy. Qanat barlyq jekpe-jeginde jeńiske jetip keledi. 1 naýryz kúni sharshy alańǵa sondaı-aq, taǵy bir qazaqstandyq boksshy orta salmaqta jattyǵyp júrgen 24 jastaǵy Janqosh Turarov shyǵady. Ol Venesýelanyń tájirıbeli boksshysy Franklın Varelamen kezdespek. Varelanyń esebinde 36 jekpe-jek bar, sonyń 21-in jeńispen aıaqtasa, qalǵan 15-inde jeńilgen.
