Qanat Islam men Janat Jaqııanov Almatyda sheberlik-synybyn ótkizedi
ASTANA. QazAqparat - Qazaqstandyq boksshylar Qanat Islam men Janat Jaqııanov Almatydaǵy «MD Boxing» zalynda sheberlik-synybyn ótkizedi, dep habarlaıdy QazAqparat tilshisi.
Bul týraly búgin boksshynyń PR menedjeri Berik Sultan óziniń Feısbýktegi paraqshasynda jazdy.
«1 sáýir kúni Almaty qalasynda WBA fedelatin, WBO intercontinental chempıony Qanat Islam men WBA, IBO tujyrymy boıynsha álem chempıony Janat Jaqııanovtyń ashyq jattyǵýy ótedi. Kásipqoı boksshylar óz tájirıbelerimen bólisedi. Suhbat, estelikke sýretke túsý jáne boksshylardyń qoly qoıylǵan qolǵaptar sizder úshin. Esik ashyq. Ashyq jattyǵý, Almaty qalasy, Gagarın-Ótepov kósheleriniń qıylysyndaǵy «MD boks» klýbynyń zalynda ótedi. 10:30-da barlyǵyńyzdy kútemiz», - dep jazdy ol.
Esterińizge sala keteıik , osyǵan deıin Qanat Islamnyń 9 qyrkúıek kúni Astana qalasynda jekpe-jek ótkizetini týraly da habarlaǵan bolatynbyz.
