Qanat Islam qytaılyq boksshynyń úlgi tutar tulǵasyna aınaldy
KÝNЬMIN. QazAqparat - Qazaqstandyq boksshy Qanat Islamnyń jankúıerleriniń biri - kásipqoı bokstan eń jeńil salmaqtaǵy (53,5 kelige deıingi) Qytaı chempıony, 22 jastaǵy Elshat Nyǵmetollauly.
Boksshy QHR ıÝnnan provıntsııasynyń Kýnmın qalasyndaǵy sport klýbtarynyń birinde óz betimen, tálimgersiz jattyǵady, dep habarlaıdy «QazAqparat» HAA-nyń Qytaıdaǵy menshikti tilshisi.
Elshat kásipqoı rıngte 8 jekpe-jek ótkizdi, onyń barlyǵynda jeńiske jetti (2-eýi nokaýt). 2016 jyldyń 13 qarashasy kúni ol Shanhaı qalasynda QHR-nyń Gýandýn provıntsııasynyń boksshysy Se Chjýchýanmen ótetin kezdesýde Qytaı chempıony ataǵyn rastaıtyn bolady.
«Men Shyńjańnyń Іle-Qazaq avtonomdyq oblysy Altaı aımaǵynyń Kaba qalasynda, sharýa otbasynda dúnıege keldim. Ata-anam sábı kezimde qaıtys bolǵan, meni ájem baǵyp-qaqty. Aǵalarym, ápkelerim joq. Bokspen 15 jasymnan aınalysamyn. 2011 jyly 9-synyptan keıin mektepti tastap, kásipqoı bokspen aınalysý úshin Qytaıdyń ishki provıntsııalaryna jol tarttym. Bir jarym jyl boıy Shensı provıntsııasynyń Sıan qalasynda, keıin Henan provıntsııasynyń Chjenchjoý qalasynda, Sychýan provıntsııasynyń Chendý qalasynda, Tszıansý provıntsııasynyń Chjentszıan qalasynda jáne Qytaıdyń ózge de aımaqtarynda turdym. Sońǵy eki jarym jyl ıÝnnan provıntsııasynyń Kýnmın qalasynda turyp kelemin jáne osynda jattyǵamyn. Sporttyq klýbty ınternet arqyly taptym. Osynda jattyǵyp, osynda turamyn, jalaqy da alamyn», - dedi ol «QazAqparat» HAA tilshisine bergen suhbatynda. 
Elshat Nyǵmatollauly bapkersiz, óz betimen jattyǵady. Onyń úlgi tutar tulǵasy - Qanat Islam.
«Men úshin úlgi tutar tulǵa, árıne Qanat Islam. Janat Jaqııanov, Beıbit Shúmenov syndy qazaqstandyq ózge de kásipqoı boksshylardyń mansabyn zerdelep otyramyn. Qazaqtarda qurmet tutarlyq boksshylar óte kóp. Gena bar (Gennadıı Golovkın - red.). Ol Kýnmın qalasyna kelgende onymen kezdeskenmin (...) Áýesqoı bokstaǵy meniń tuńǵysh bapkerim Murat aǵa Kaba qalasynda turady. Kásipqoı boksqa aýysqannan keıin tálimgersiz jattyǵamyn. Keıde AQSh-tan jattyqtyrýshylar kelgen kezde shaqyrtý boıynsha bir-eki kúnge Shanhaıǵa baramyn. Olar qytaılyq kásibı boksshylarǵa sheberlik-sabaqtaryn ótkizedi», - dedi ol.
Onyń aıtýynsha, 2016 jyldyń 13 qarashasy kúni Shanhaıda ótetin jekpe-jekte Qytaı chempıony ataǵyn qorǵaı alsa, kelesi jyldan bastap sheteldik boksshylarmen kezdesýler ótkize bastaıdy.
«Aldaǵy kezdesýde jeńiske jetetinime senimdimin. Sportshy óz kúshine senip, shydamdy bolýy tıis, sonda ǵana ol jeńiske jetedi. Aldaǵy qarsylasymdy buǵan deıin de utqanmyn, odan bul joly da basym túsetinime senimdimin», - dep túıdi Elshat Nyǵmetollauly. 
