Qanat Islam Kýkke qarsy óziniń karerasyndaǵy eń úzdik jekpe-jegin ótkizdi - mamandar
ASTANA. QazAqparat - UCNLive.com saıtynyń tilshisi Raıan Skalııa Qanat Islamnyń (25-0, 20 KO) Brendon Kýkke (18-1, 11 KO) qarsy kezdesýine qatysty pikirimen bólisti, dep jazady Sports.kz.
«Bálkim, bul Kanattyń bokstaǵy karerasyndaǵy eń úzdik jekpe-jegi shyǵar, ásirese onyń sońǵy ýaqyttaǵy asa tartymdy deýge kelmeıtin kezdesýlerinen keıin»,-dep jazdy Skalııa tvıtterde.
Islam 9-shy raýndta nokaýtpen jeńiske jetti jáne óziniń birinshi orta salmaqtaǵy WBO NABO jáne WBA Inter-Continental nusqalary boıynsha beldikterin saqtap qaldy.
