Qanat Islam «Konfederatsııa kýbogy - 2018» jarysynyń jerebe tartý rásimine qatysty
Jerebe tartý rásimine kásipqoı boksta júrgen belgili boksshylar Qanat Islam men Madııar Áshkeevter qatysty.
QR Ulttyq Olımpıada komıtetiniń prezıdenti Tımýr Qulybaevtyń bastamasymen qolǵa alynǵan biregeı joba bıyl úshinshi ret uıymdastyrylǵaly otyr.
Jarystyń basty ereksheligi - kórermender saıystyń boks, grek-rım, erkin kúres, dzıýdo, qazaq kúresi jáne taekvondo sııaqty sport túrleri boıynsha bir mezette tamashalaı alady.
17 komanda 4 topqa bólinip qazan aıynda Semeı, Taldyqorǵan, Atyraý jáne Petropavl qalalarynda irikteý kezeńderin ótkizedi. Іrikteý kezeńinen irkilmeı ótken úzdik komandalar jeltoqsan aıynyń 8-9 aralyǵynda Almaty qalasynda ótetin aqtyq kezeńde baqtaryn synaıtyn bolady.
Jerebe nátıjesi mynadaı:
A toby: Semeı (ShQO), Qostanaı oblysy, Batys Qazaqstan oblysy, Pavlodar oblysy
B toby: Taldyqorǵan (Almaty oblysy), Aqtóbe oblysy, Qaraǵandy oblysy, Astana, Shymkent
S toby: Atyraý oblysy, Almaty qalasy, Jambyl oblysy, Mańǵystaý oblysy
D toby: Petropavl (SQO), Aqmola oblysy, Qyzylorda oblysy, Túrkistan oblysy
Aıta ketsek, Konfederatsııa Kýbogy - QR Ulttyq Olımpıadalyq komıtetiniń prezıdenti Tımýr Qulybaevtyń bastamasymen qolǵa alynǵan biregeı tyń joba. Jarystyń jalpy júlde qory 145 mıllıon teńgeni quraıdy.
