Qanat Islam: Kimmen bolsa da aıqasqa daıynmyn
ASTANA. QazAqparat - Qazaqstandyq boksshy Qanat Islam (23-0, 19 KO) meksıkalyq Norberto Gonsalespen (23-8, 13 KO) jeke-jek aldynda baspasóz máslıhatyn ótkizdi, dep habarlaıdy Sports.kz.
- Men kimmen bolsa da aıqasqa daıynmyn, óıtken men naǵyz boksshymyn. Birinshi jattyǵýymnan bastap álem chempıony bolýdy maqsat tuttym. Qarsylasym kim? Kim ol, Maık Taıson? Maǵan báribir. Meni tek tolǵantatyny - aıqasqa qalaı daıyndalýym,- dedi Islam.
Islam - Gonsales jekpe-jegi 26 mamyrda Boka-Ratonda (AQSh, Florıda shtaty) ótedi.
Bul aıqas qorytyndysynda birinshi orta salmaqtaǵy WBO NABA jáne WBA Intercontinental tıtýlynyń ıegeri kim bolatyndyǵy anyqtalady.
27 mamyrda tańerteń «Kazaqstan» jáne «Kazsport» telearnalary Qanat Islamnyń jekpe-jegin tikeleı efırde kórsetedi. Boks shoýynyń basty oqıǵasy - otandasymyz Qanat Islamnyń (23-0, 19 KO) meksıkalyq Norberto Gonsalespen birinshi orta salmaqtaǵy WBO NABA jáne WBA Intercontinental tıtýly úshin bolatyn aıqasy.
Sondaı-aq bul keshte ózge qazaqstandyq Janqosh Turarov ta (20-0, 14 KO) rıngke shyǵady. Onyń qarsylasy meksıkalyq Gýstavo Garıbaı (13-8-2, 5KO).
