Qanat Islam kezekti jekpe-jegin jeńispen aıaqtady
ASTANA. QazAqparat - Qazaqstandyq kásipqoı boksshy Qanat Islam óziniń 18-jekpe-jegin ótkizip, kolýmbııalyq qarsylasyn 5 raýndta sulatyp saldy. Bul týraly Qytaıdaǵy qandastarymyzdyń saıty senkazakh.com habarlady.
Qanattyń kezekti jekpe-jegi 7 tamyz kúni (Qazaqstan ýaqyty boıynsha búgingi tań) Kolýmbııanyń portty qalasy Barrankılıada ótkizildi. Bul - Qanattyń Latyn Amerıkasy chempıondyq belgisin 2-ret qorǵaýy.
Esterińizge sala keteıik, kolýmbııalyq Fıdel Manterrosa osy aıqasyna deıin 43 kezdesý ótkizip, onyń 32-sin óz paıdasyna sheshken. 26 ret jekpe-jegin merzimnen buryn aıaqtasa, 9 kezdesýinde jeńilip, 1 kezdesýde teń túsken
Al qandasymyz osyǵan deıin 17 kezdesý ótkizip onyń bárinde jeńiske jetken. Onyń 14-in merziminen buryn aıaqtaǵan. Búgin 18-jeńisine qol jetkizdi. Sonymen qatar, bul - onyń 15-shi nokaýty.
Kúnsultan OTARBAI
