Qanat Islam kezekti jekpe-jegin 7 tamyzda ótkizedi
ASTANA. QazAqparat - Qazaqstandyq kásipqoı boksshy Qanat Islam óziniń 18-jekpe-jegin 7 tamyz kúni Kolýmbııanyń portty qalasy Barrankılıada ótkizbek. Bul týraly kazaitys.kz jazady.
Onyń qarsylasy kolýmbııalyq Fıdel Monterrosa qazirge deıin 43 kezdesý ótkizip, onyń 32-sin óz paıdasyna sheshken. Sondaı-aq, ol 26 ret kezdesýin merziminen buryn aıaqtap, 9 kezdesýinde jeńilip, 1-eýinde teń túsken.
Al, Qanat qazirge deıin 17 kezdesý ótkizip, onyń bárinde jeńiske jetken. Onyń 14-in merziminen buryn aıaqtaǵan. Qanat bul joly óziniń Latyn Amerıkasynyń chempıony ataǵyn 2-ret qorǵamaqshy.
Boks jergilikti telearnalarda tikeleı efırde taratylady. Jarys bizdiń ýaqytpen tańǵy saǵat 8 mólsherinde ótedi.
