Qanat Islam kezekti qarsylasyn utty
ASTANA. 28 sáýir. QazAqparat - Qazaq boksshysy Qanat Islam kásipqoı rıngtegi on ekinshi jeńisine qol jetkizdi. Bul týraly «Alaman» ulttyq sport portalynan habarlady.
Ekvadordyń Kıto qalasynda ótken keshte Qanat rıng ıesi Edýard Frolesti jeńdi. Negizi, bizdiń boksshy kolýmbııalyq Emelıo Hýlıo Hýlıomen kezdesedi dep josparlaǵan. Biraq Kolýmbııa boksshysy belgisiz sebeptermen kezdesýden bas tartqan.
Buǵan deıin Qanat Islam sáýirdiń 19-y kúni Domınıkan respýblıkasynyń boksshysy Joze Vıdal Sotony utqan bolatyn.
