Qanat Islam kelesi jekpe-jegin Qytaıda ótkizýi múmkin
ASTANA. QazAqparat - Qazaqstandyq boksshy Qanat Islam kelesi jekpe-jegin Qytaıda ótkizýi múmkin. Bul rette aspanasty elindegi jekpe-jegi ol úshin kelesi jyly ótetin birinshi aıqasy bolady.
Buǵan deıin bergen suhbatynda tanymal metsenat Baýyrjan Ospanov Islamnyń kásibı boks álemindegi tanymal kompanııamen kelisim jasasatynyn jáne jekpe-jek ótkizýge qyzyǵýshylyq týdyratyndardyń ishinen Qytaı atalǵanyn aıtyp berdi, dep habarlaıdy Vesti.kz. Eske sala keteıik, qazirgi kezde 31 jastaǵy Qanat Islam birinshi ortasha salmaqta WBA Fedelatin ataǵyna ıe bolyp otyr. Kásibı rıngte 20 jeńisti jekpe-jeginiń 17-sin merziminen buryn aıaqtaǵan. Qazaqstandyq sportshy Maıamıde jattyǵyp júr. Óziniń sońǵy jekpe-jeginde Qanat Islam birinshi raýndta domınıkandyq Djonatan Batıstýdy (15-7-0) nokaýtqa jiberdi.
