Qanat Islam kelesi jekpe-jegin Qazaqstanda ótkizgisi keledi
ASTANA. QazAqparat - Qazaqstandyq boksshy Qanat Islam kásibı rıngtegi 21-shi jekpe-jegine daıyndalýda. Qarashada domınıkandyq Batıstany aıqyn utqan qazaq jigiti kelesi kezdesýin qańtar aıynyń 15-20-y aralyǵynda ótkizýdi josparlap otyr, dep jazady «Habar» arnasy.
«Ýaqytty bos ótkizbeı múmkin keler aıda josparlar bar. Ony meniń Amerıkadaǵy komandam, promoýterlarym, jattyqtyrýshylarym qazir sol jumystarmen sóılesip jatyr», - dedi WBA FedeCaribe chempıony Qanat Islam.
Orta salmaqta WBA FedeCaribe tujyrymy boıynsha «altyn beldikti» ıelengen Qanat buǵan deıingi 20 kezdesýdiń barlyǵyn da aıqyn utty.
«Endigi qarsylasty Kolýmbııadan WBA mamandary usynyp jatyr», - deıdi Qanat Islam. Sebebi Islam qazir osy tujyrym boıynsha úzdik bestiktiń qatarynda tur.
Bıyl ataqty promoýter El Heımonmen kelisimshartqa otyrǵan jerlesimiz: «Jekpe-jekti Qazaqstanda ótkizsek. Múmkin bolsa osy Almaty, Astanada 21-shi kezdesýimdi ótkizýge usynystar bar», - deıdi qazaqstandyq boksshy.
