Qanat Islam kelesi kezdesýge daıyndalý úshin AQSh-qa attandy
ASTANA. QazAqparat - Birinshi orta salmaqtaǵy WBO Intercontinental jáne WBA Fedelatin tujyrymdary boıynsha álem chempıony Qanat Islam kelesi kezdesýge daıyndalý úshin AQSh-qa attandy, dep habarlaıdy QazAqparat tilshisi.
Bul týraly PR menedjeri Berik Sultan óziniń feısbýktegi paraqshasynda jazdy.
«Qanat Islam kelesi jekpe-jegine daıyndyqty bastaý úshin AQSh-qa attandy. Buıyrtsa jaqyn arada jekpe-jek ýaqyty men qarsylasyn jarııalaımyz! Alǵa, Qazaqtyń Qanaty!!!», - dep jazdy ol.
Esterińizge sala keteıik, Qanat Islam kásipqoı bokstaǵy óziniń sońǵy jekpe-jegin 18 aqpan kúni AQSh-tyń Delaver shtatynyń Ýılmıngton qalasynda ótkizip, brazılııalyq Robson Assısti birinshi raýndta nokaýtqa túsirgen bolatyn.
Kelesi kezdesýin ol mamyr aıyna josparlap otyr. Ázirge qarsylasy belgisiz.
