Qanat Islam qarsylasyn birinshi raýnda-aq sulatyp saldy
ASTANA. QazAqparat - Qazaqstandyq kásipqoı boksshy Qanat Islam búgin AQSh-tyń Florıda shtatyndaǵy Maıamı qalasynda Domınıkan Respýblıkasynyń boksshysy, 31 jastaǵy Djonatan Batıstamen judyryqtasty. Jerlesimiz qarsylasyn birinshi raýndta-aq esinen tandyryp, jıyrmasynshy jeńisine qol jetkizdi.
Djonatan Batısta osy ýaqytqa deıin 22 kezdesýdiń 15-in (onyń ishinde 8 beldesýdi merziminen buryn) jeńispen aıaqtaǵan. Jeti jeńilistiń ekeýinde ǵana nokaýt alǵan.
Esterińizge salsaq, Qanattyń jekpe-jekke shyǵatyn qarsylasy osydan eki kún buryn aýysqan bolatyn. Onymen meksıkalyq Aleksıs Kamacho kezdesýi tıis bolǵan.
Kezdesý aıaqtalysymen Qanat Islam "Qazaqstan" telearnasy arqyly jankúıerlerine sálem joldap, jekpe-jekten keıingi sezimimen bólisti. Ulttyq arnanyń "Búgin jeksenbi" baǵdarlamasynyń jýrnalısteriniń saýaldaryna jaýap bergen ol: "Kezdesý barysy qıyn boldy maǵan. Oılamaǵan jerden qarsylasym aýysyp ketti, oǵan daıyndalý kerek boldy.... Bir soqqymen bir jarystyń taǵdyryn sheshýge bolady. Shynyn aıtqanda, birinshi raýnda aıaqtalady dep oılamadym. Biraq daıyndyǵym jaqsy boldy. Bári jospardaǵydaı", - dedi.
