Qanat Islam «Kanelony» jekpe-jekke shaqyrdy

NUR-SULTAN. QazAqparat – AQSh-tyń Florıda shtatyndaǵy Maıamıde ótken boks keshinde jeńilip kórmegen qazaqstandyq boksshy Qanat Islam (27-0, 21 KO) qarsylasy ekvadorlyq Djeıson Mındany (14-3-1, 8 KO) 7 raýndta nokaýtqa túsirip, jeńiske jetti, dep habarlaıdy QazAqparat tilshisi.

Sonymen KOTV platformasynda tikeleı efırden kórsetilgen jekpe-jek 10 raýndqa sozylýy tıis bolatyn.

Alaıda aıqas barysynda Qanat Islamnan eki ret nokdaýyn alǵan Djeıson Mında 7 raýndta nokaýtqa túsip qaldy .

Jeńisten keıin suhbat bergen Qazaqstan boksshysy meksıkalyq Saýl Alvaresti (54-1-2, 36 KO) jekpe-jekke shaqyrdy.

«Kanelo», vamos! Sen meni kórip otyrsyń, baqyttysyń, meni jaqsy kóresiń! Kel, jekpe-jekke shyǵaıyq», - dedi Qanat Islam.

Esterińizge sala keteıik, bastapqyda Qanat Islam ganalyq Obodaı Saımen (35-3-1, 26 KO) judyryqtasýy tıis bolatyn.

Alaıda belgisiz sebeptermen afrıkalyq boksshynyń jekpe-jekke shyqpaıtyny anyqtaldy.