Qanat Islam: «Kanelomen» rıngke shyǵýǵa daıynmyn
«Syn túzelmeı, min túzelmeıdi. Búgin baryp tór meniki deýge bolmaıdy. Árkimniń óz deńgeıi bar. Qyran shyńǵa qalyqtap shyqsa, jylan órmelep shyǵady. Jetistikke ár adam ártúrli joldarmen keledi. Alla Taǵalla bireýge barmaqtaı baq beredi, bireýge ony da bermeıdi. Biraq biz soǵan tyrysyp jatyrmyz. Árqashan bir qadam qalǵan kezde, birese jaraqat aldyq, artqa ysyryldyq... Maǵan múmkindik berse, men qazir Kanelomen judyryqtasýǵa daıynmyn»,-dedi Qanat Islam.
Onyń aıtýynsha, rıngke chempıondarmen shyǵý úshin qomaqty qarajat pen jaqsy qoldaý qajet.
«Amerıkada 20 mln meksıkalyq turady, 10 mln fılıppındik turady, latynamerıkalyqtar, ýkraınalyqtar men orystar kóp. Biz ol jerde joqpyz. Solaı ǵoı. Men Amerıka halqyna qyzyq emespin. Tek qazaqtarǵa ǵana qyzyqpyn. Al endi seni Amerıkaǵa kóbirek tanytý úshin seniń artyńda úlken demeýshileriń bolý kerek... Búgin baryp alyp, tór meniki dep aıqaılaıtyn negiz joq. Meksıkada boks keshteri, kún saıyn, apta saıyn ótedi. Kanelo óziniń 30-0 rekordyn Meksıkada jasap keldi. Sol rekordymen ony Amerıkaǵa alyp keldi. Bizde ótip jatqan bir kesh joq»,- dedi Qanat Islam baspasóz máslıhatynda.
Sondaı-aq, Qanat Islam chempıondyq jekpe-jekterge daıyn ekenin jetkizdi.
«Qudaı qalasa, chempıondyq ataqta alys emes. Eger men almasam da,basqa baýyrlarym alady», - dedi ol.
Bylǵary qolǵap sheberi, QP bas dırektory Darhan Muhtarbekke kórsetken qoldaýy úshin alǵysyn bildirip, aldaǵy jekpe-jekte jeńiske jetýge múmkindik baryn aıtty.
«Biz ár qarsylasqa tyńǵylyqty daıyndaldyq. Bul boks, munda aldyn ala boljaı almaısyz, rıng bárin sheshedi», - dedi ol.
«Qazir aldaǵy jekpe-jekke belsendi daıyndyq júrýde. Qazirdiń ózinde aýqymdy jattyǵýlar ótip jatyr. Taýda oqý-jattyǵý jıynyn ótkizdik. Boks árdaıym daıyndyqty qajet etedi. Bul óte aýyr jumys desek te bolady. Jattyǵýlardyń bári birdeı kórinedi, alaıda dál sol jattyǵý barysynda jetildiretin, jumys isteý kerek tustardy anyqtaımyz. Bizde ár túrli tehnıkalyq jáne taktıkalyq ádisterdiń jıyntyǵy bar. Kelesi jekpe-jekte Qanattyń qarsylasy óte salmaqty, ol WBO nusqasy boıynsha álem chempıony Demetrıýs Andradeni 12 raýndtyń bárinde súıretip, azaptady. Ol 4 ret nokdaýnǵa tústi, biraq báribir ornynan turyp judyryqtasýdy jalǵastyrǵan boksshy. ıAǵnı, ol myqty qarsylas. Aldaǵy jekpe-jek óte qyzyqty bolady, biz barlyq tehnıkalyq jáne taktıkalyq arsenalymyzdy kórsetemiz. Biz aldyn ala eshqandaı boljam jasamaımyz, biraq jeńiske jetemiz dep úmittenemiz», - dedi Bagaýdın Bekov.
Boks keshinde tanymal qazaqstandyq boksshylar men AQSh, Qytaı jáne Eýropa elderiniń ókilderiniń qatysýymen 10 jekpe-jek ótedi. Olardyń arasynda debıýtanttar da bar. Aıqas 6 raýndtyq, 8 raýndtyq bolady. Keshtiń basty jekpe-jeginde Qanat Islam (26-0, 21 KO) namıbııalyq Ýolter Kaýtondokvamen kezdesedi. (18-1, 17 KO).
«Almatydaǵy boks QazSport jáne Qazaqstan arnalarynda, sondaı-aq QP TV tikeleı efırinde kórsetiledi», - dedi Qazaq Promotions atqarýshy dırektory Azamat Mádı.
Bul jekpe-jek keshi 26 qazan kúni, Balýan Sholaq atyndaǵy sport saraıynda ótedi. Bastalýy 17:00-de.