Qanat Islam IBO reıtınginde tómen syrǵydy
ASTANA. QazAqparat - Halyqaralyq boks uıymy (IBO) barlyq salmaq sanaty boıynsha ózekti reıtıngterdi jarııalady, dep habarlaıdy Sports.kz.
Tizimdegi ózgeristerden qazaqstandyq keıbir sportshylar da shet qalmady. Isa Akberbaev aýyr salmaqtyń úzdik júzdigindegi 33-ornyn saqtap qalsa, jartylaı aýyr salmaq ókili Álı Ahmedov eki satyǵa kóterilip, 37-orynǵa shyqty.
Birinshi orta salmaq sanatyndaǵy boksshy Qanat Islam altynshy orynnan segizinshi orynǵa tústi.
Janqosh Turarov jartylaı orta salmaq reıtınginde 56-orynnan 52-orynǵa kóterildi.
Birinshi jartylaı orta salmaq sanatynda judyryq túıistirip júrgen Batyr Júkembaev bul joly tórt orynǵa tómen syrǵydy. Endi ol 51-orynda tur.
Jeńil salmaq ókili Aıdar Sháribaev burynǵy 95-ornynan 89-orynǵa shyqty.
Bekman Soılybaevtyń da jaǵdaıy shamaly jaqsardy, ekinshi jartylaı orta salmaqtaǵy boksshymyz endi óz dıvızıonynda 47-shi bolyp tur.
Al jeńil (53,525 kg) salmaq dárejesindegi Janat Jaqııanov kásipqoı rıngtegi karerasyn aıaqtaǵandyqtan, reıtıngten shyǵaryldy.
Foto: prosports.kz
