Qanat Islam GGG-men birge HBO arnasynda óner kórsetýi múmkin
ASTANA. QazAqparat - Qazaqstandyq boksshy Gennadıı Golovkınmen jumys istep jatqan NVO arnasy Qanat Islammen kelisimshartqa otyrýy ábden múmkin, dep xabarlaıdy QazAqparat tilshisi.
«Bul qarsylasym sońǵy jekpe-jeginde meksıkalyq Saýl «Kanelo» Alvaresten jeńilgen bolatyn. Ol - NVO arnasynyń boksshysy. Negizi, sol arna meni birge jumys isteýge (shaqyryp jatyr - avt), qazir kelisimsharttar bolyp jatyr. Solar maǵan Kırklendke qarsy shyqsyn dep jatyr. Biraq men kez kelgen boksshymen sharshy alańǵa shyǵýǵa daıynmyn. Maǵan chempıondar qajet», - dedi Qanat Islam búgin Astanada ótken baspasóz máslıxatynda.
Qanat Islam - Djeıms Kırklend jekpe-jegi «Saryarqa» velotreginde ótedi.
Aıta keteıik, Qanat Islam - WBO Intercontinental men WBA Fedelation belbeýleriniń ıegeri. Qazaqstandyq boksshy Astanadaǵy EKSPO-2017 kórmesi aıasynda 9 qyrkúıekte kezekti jekpe-jegin ótkizýdi josparlap otyr. Onyń kelesi qarsylasy - AQSh boksshysy Djeıms Kırklend.
