Qanat Islam «GGG-Kanelo» jekpe-jegine óz boljamyn jasady
ASTANA. QazAqparat - WBO Intercontinental men WBA Fedelation belbeýleriniń ıegeri Qanat Islamnyń oıynsha, atalǵan jekpe-jek 12 raýndqa deıin jalǵasady, dep habarlaıdy QazAqparat tilshisi.
«Golovkın jeńedi dep oılaımyn. Bul jekpe-jekti búkil álem kútip otyr. Gennadıı Golovkın barsha Qazaq eliniń, barsha álemniń juldyzyna aınaldy. Golovkın - qazaqtyń Týyn kóterip júrgen batyrymyz. Biz sonyń artynan erip kele jatyrmyz. Ol bizge úlgi, sodan úırenemiz. Men oılaımyn, aldaǵy jekpe-jek Golovkın úshin ońaı bolmaıdy. Meniń óz oıym, jekpe-jek 12 raýndqa deıin sozylýy ábden múmkin», - dedi Qanat Islam búgin Astanada ótken baspasóz máslıhatynda.
Aıta keteıik, Golovkın -Alvares jekpe-jegi 16 qyrkúıekte ótedi. Al Qanat Islam Astanadaǵy EKSPO-2017kórmesi aıasynda 9 qyrkúıekte kezekti jekpe-jegin ótkizýdi josparlap otyr. Onyń kelesi qarsylasy - AQSh boksshysy Djeıms Kırklend. Aldaǵy ýaqytta qazaqstandyq boksshy Gennadıı Golovkınmen jumys istep jatqan NVOarnasymen kelisimshartqa otyrýy ábden múmkin.
