Qanat Islam: GGG Derevıanchenkony jeńedi dep oılaımyn

ALMATY. QazAqparat – Qazaqstandyq kásibı boksshy Qanat Islam Gennadıı Golovkın men ýkraınalyq Sergeı Derevıanchenko arasynda IBF jáne IBO nusqalary boıynsha orta salmaqtaǵy álem chempıony tıtýly úshin ótetin jekpe-jekten ne kútetinin aıtty, dep habarlaıdy «QazAqparat» HAA tilshisi.

«Men Sergeı Derevıanchenkomen rıngte eki ret kezdeskenmin. Birinshisinde jeńiske jettim, odan keıin Almatyda tóreshilerdiń sheshimimen jeńildim, alaıda ol meniki edi. Sergeı óte myqty jáne jaqsy boksshy, degenmen Golovkınniń deńgeıi joǵaryraq. Sergeı qarsy turýǵa tyrysady, alaıda ońaıǵa soqpasa da, GGG ony aldaı alady. Golovkın jeńimpaz atanady dep oılaımyn. Oǵan jekpe-jekte tek sáttilik jeńis, Qazaqstannyń týyn taǵy da bir márte kóterýin tileımin», - dedi sportshy.

Kásipqoılar arasyndaǵy burynǵy álem chempıony qazaqstandyq Gennadıı Golovkın (39-1-1, 35 KO) men ýkraınalyq Sergeı Derevıanchenko (13-1, 10 KO) arasyndaǵy aıqas 5 qazan kúni Nıý-Iorktegi Madison Square Garden arenasynda ótedi. Qazaqstandyqtar jekpe-jekti 6 qazan kúni tańerteń tikeleı efırden tamashalaı alady.

Al Qanat Islam (26-0, 21 KO) kezekti jekpe-jegin 26 qazan kúni Almatydaǵy Balýan Sholaq atyndaǵy sport saraıynda ótkizedi. Onyń qarsylasy namıbııalyq Ýolter Kaýtondokva (18-1, 17 KO) bolmaq.

Avtor:

Elaman Turysbekov