Qanat Islam: Chempıondarmen aıqasqym keledi
ASTANA. QazAqparat - Eshqashanda jeńilip kórmegen qazaqstandyq Qanat Islam kolýmbııalyq Hýan De Anheldi nokaýtqa túsirgennen keıin bul jekpe-jek jaıly óz oıyn bildirdi, dep habarlady Sports.kz Boxingnews24.com-ge silteme jasap.
- Alty raýndty eńserip, jeńiske jetkenge deıin ózimdi jaqsy sezindim.
Judyryqtastym, aıaqpen jumys istep, alǵa-artqa qozǵalyp, qýatty soqqylar daryttym da, jekpe-jekti aıaqtaý kerektigin túsindim. Onyń jaǵdaıy túzeledi degen oıdamyn. Árıne, jaraqatpen aıqasqa shyǵý qıyn, aldaǵy ýaqytta qalpyna keledi dep úmittenemin. Onyń tórtinshi raýndta sharshaǵanyn baıqadym da, soqqylarymdy údete tústim.
Bul jerde jergilikti qazaqstandyq qaýymdastyqtan kelgen, alystan kelgen jankúıerlerim kóp boldy. Endi olardyń meni bıyl álemdik chempıondyq tıtýl úshin jekpe-jekterde jeńisimdi kórgenderin qalaımyn. Kim chempıon? Solarmen aıqasqym keledi.
