Qanat Islam bıylǵy qazanda rıngke oralady

NUR-SULTAN. QazAqparat – Bıylǵy 16 qazan kúni AQSh-tyń Florıda shtaty Plant-Sıtı qalasynda Nelsons Promotion kompanııasynyń kásipqoı boks keshi ótedi. Onda rıngke Qazaqstannan qos sportshy shyǵatyny josparlanǵan, dep habarlaıdy QazAqparat.

VKontakte áleýmettik jelisindegi «Qazaqstannyń kásipqoı boksy» paraqshasynda málim etilgendeı, kesh barysynda profıdegi alǵashqy aıqasyn otandyq sportshy Darhan Jumsaqbaev ótkizedi. Jartylaı jeńil salmaqtaǵy jekpe-jektegi onyń qarsylasy 31 jastaǵy nıkaragýalyq Osmel Maıorga (2-0, 1KO) bolmaq. Kezdesý 6 raýndqa eseptelgen.

Sondaı-aq atalmysh týrnırge Qanat Islam (27-0, 21KO) qatysatyny habarlanýda. Onyń opponentiniń esimi ázirge jarııalanǵan joq. Q.Islam sońǵy aıqasyn byltyr, 26 qazan kúni Almatyda ótkizgen edi. Ol Namıbııa ókili Ýolter Kaýtondokvany (18-2, 17KO) tóreshilerdiń biraýyzdy sheshimimen jeńdi.