Qanat Islam birinshi orta salmaqtaǵy álemdik reıtıngte 29 orynǵa joǵarylady
ASTANA. QazAqparat - WBO tujyrymy boıynsha Inter-Sontinental jáne NABO, WBA tujyrymy boıynsha Intercontinental jáne Fedelatin belbeýleriniń ıegeri, qazaqstandyq kásipqoı boksshy Qanat Islam (24-0,19KO) birinshi orta salmaqtaǵy álemdik reıtıngte 29 orynǵa joǵarylady, dep habarlaıdy QazAqparat tilshisi.
Qanat 24-shi jeńisine deıin boxrec.com portalynyń álemdik reıtınginde 55 upaımen 55-orynda turǵan bolatyn. Al meksıkalyq Norberto Gonsales (23-8,13KO) 59 upaımen 46 orynda bolǵan.
Jańartylǵan reıtıngte otandasymyz birinshi orta salmaqta judyryqtasatyn 1804 boksshynyń ishinen 82 upaımen 26 orynnan kórindi. Jeńilis tapqan Gonsales 47 satyǵa quldyrap, 91 orynǵa syrǵydy.
Aıta keteıik, birinshi orta salmaqta WBO nusqasy boıynsha álem chempıony Saýl Alvares bul salmaqtyń álemdik reıtınginde kósh bastap tur, onyń enshisinde 1 358 upaı bar. WBA (Super) nusqasy boıynsha álem chempıony Lara Erıslandı ekinshi orynda.
Eske sala keteıik, Qanat Islam 27 mamyr kúni AQSh-tyń Florıda qalasynda ótken kezekti jekpe-jeginde Norberto Gonsalespen 12 raýnd boıy judyryqtasyp, upaı sanymen jeńiske jetti. Otandasymyz 12 raýnd boıy aralyq úziliste otyryp demalmaı, aldaǵy úlken jekpe-jekke daıyn ekenin kórsetti.
