Qanat Islam Bazılıo Sılvany nokaýtqa jiberdi
ASTANA. 19 jeltoqsan. QazAqparat - Orta salmaqta óner kórsetetin qazaq boksshysy Qanat Islam tájirıbeli domınıkandyq Bazılıo Sılvadan tehnıkalyq nokaýtpen basym tústi. Reıtıngilik kezdesý Domınıkan Respýblıkasynda ótken bolatyn, dep habarlaıdy Sports.kz.
Jekpe-jek qazaqstandyqtyń aıqyn basymdyǵyna baılanysty altynshy kezeńde tóreshilerdiń sheshimimen toqtatyldy.
Qanat Sılvany tórtinshi raýndta-aq eseńgiretken edi, alaıda tájirıbeli qarsylas esin jıyp, kezdesýdi jalǵastyra aldy.
Osylaısha, 29 jastaǵy Qanat Islam kásipqoı rıngte 16 kezdesý ótkizip, 16 márte jeńis toıyn toılady. Sonyń ishinde ol 14 jekpe-jeginde qarsylasyn nokaýtqa jibergen.
