Qanat Islam Baýyrjan Momyshuly medalimen marapattaldy
ASTANA. QazAqparat - Qazaqstandyq boksshy Kanat Islam (21-0-0, 18 KO) Baýyrjan Momyshuly atyndaǵy «Namys» medalimen marapattaldy.
Marapatty kásibı boksshyǵa QR Parlamenti Májilisiniń depýtaty Baqytbek Smaǵul tabys etti.
«Qanat Islamnan basqa álemdik arenada Qazaqstandy tanytýǵa úles qosqan eldiń ózge de azamattary marapattaldy», - dedi «QazAqparat» tilshisine sportshynyń menedjeri Berik Sultan.
Onyń sózine qaraǵanda, qazir boksshy 29 qazanda Almaty Arenada ótetin óziniń kelesi jekpe-jegine daıyndalyp jatyr. WBA (Interim) nusqasy boıynsha birinshi orta salmaqtaǵy álem chempıonynyń qarsylasy Gana ókili WBA FedeCaribe beldeýiniń ıegeri Patrık Alltoeı bolmaq.
