Qanat Islam Baýyrjan Baıbekke chempıondyq belbeýin syıǵa tartty
ASTANA. QazAqparat - Almaty qalasynyń əkimi Baýyrjan Baıbek kásipqoı boksshy Qanat Islamdy (24-0-0,19KO) qabyldap, jeńisimen quttyqtady. Bul týraly boksshynyń PR-menedjeri Berik Sultan Facebook paraqshasynda habarlady.
Kezdesý barysynda Qanat Islam Baýyrjan Baıbekke óziniń chempıondyq belbeýin syıǵa tartqan.
«Sportqa janashyrlyǵyńyz ben jarqyn bolashaq úshin jasap júrgen eńbegińizge rızashylyq bildirip, inilik kóńilmen sizge osy belbeýdi syılaımyn», - dedi Qanat Islam. Sondaı-aq, Belbeýge «Baýyrjan Baıbek aǵama Qanat Islamnan estelik» degen sóz qashalyp jazylǵan.
Óz kezeginde qala əkimi EKPO-2017 kórmesi aıasynda ótetin baıraqty bəsekede Qanat Islam jeńiske jetip, Qazaq eline taǵy da qýanysh syılaıtynyna senimdi ekenin aıtty.
Aıta keteıik, Almaty qalasy əkimdigi Qanat Islamnyń AQSh-ta ótken jekpe-jeginiń bas seriktesi boldy. Sondaı-aq, 2016 jyly "Almaty arenada" ótken boks keshine de qoldaý kórsetken bolatyn.
Berik Sultannyń aıtýynsha, jaqyn kúnderi boksshynyń "QAZAQ" komandasy BAQ ókilderi úshin arnaıy baspasóz maslıhaty uıymdastyrady.
Eske sala keteıik, Qanat Islam 27 mamyr kúni AQSh-tyń Florıda qalasynda ótken kezekti jekpe-jeginde Norberto Gonsalespen 12 raýnd boıy judyryqtasyp, upaı sanymen jeńiske jetti. Jarys nátıjesi boıynsha Qanat birinshi orta salmaqta WBO Inter-Continental jáne NABO, WBA Inter-Continental jáne Fedelatin tıtýlynyń ıegeri atanyp, boxrec portalynyń álemdik reıtınginde birinshi orta salmaqta judyryqtasatyn 1804 boksshynyń ishinen 82 upaımen 26 orynnan kórindi. Al sońǵy jańartylǵan retıngte Qanat 22 orynan kórindi.
