Qanat Islam aıqas aldynda salmaq ólshedi

NUR-SULTAN. QazAqparat – Jeńilip kórmegen qazaqstandyq boksshy Qanat Islam (27-0, 21 KO) AQSh-tyń Florıda shtatyndaǵy Maıamıde aıqas aldynda salmaq ólsheý rásiminen ótti, dep habarlaıdy QazAqparat Sports.kz agenttigine silteme jasap.

«Qazaqtyń» qarsylasy ekvadorlyq Djeıson Mında (14-3-1, 8 KO) bolmaq.

Orta salmaqtaǵy aıqas on raýndqa josparlanǵan.

Eki boksshy da orta salmaqtaǵy lımıtti (72,6 kg nemese160 fýntov) oryndady.

Tarazyda Qanat Islam 72,6 kg salmaq kórsetse, onyń qarsylasy – 72,1 kg.

Buǵan deıin habarlanǵandaı, bastapqyda Qanat Islam ganalyq Obodaı Saımen (35-3-1, 26 KO) judyryqtasýy tıis bolǵan.

Alaıda belgisiz sebeptermen afrıkalyq boksshy jekpe-jekke qatyspaıdy.