Qanat Islam Astanadaǵy jekpe-jegine daıyndyqty bastady
ASTANA. QazAqparat - Birinshi orta salmaqtaǵy WBO NABO jáne Inter-Continental, WBA Fedelatin jáne Inter-Continental tıtýlynyń ıegeri Qanat Islam 9 qyrkúıek kúni bolatyn jekpe-jekke Almaty oblysyndaǵy AIBA boks akademııasynyń bazasynda daıyndyqty bastap ketti, dep habarlaıdy QazAqparat tilshisi.
«Qazir QAZAQ Almaty oblysyndaǵy AIBA boks akademııasynyń bazasynda jattyǵýda. Qarsylasyn 2-3 kúnde jarııalaımyz. Ázirge kelissóz júrgizilýde. Qanat Islamnyń jekpe-jegi 9 qyrkúıekte Astana qalasyndaǵy «Saryarqa» velotreginde ótedi. Jekpe-jekte 9 qazaqstandyq boksshy óner kórsetedi dep kútilýde. 9 qyrkúıekte Astanada joıqyn daýyl bolady!» dep jazdy Qanat Islamnyń PR-menedjeri Berik Sultan facebook áleýmettik jelisindegi jeke paraqshasynda.
