Qanat Islam: «Astana arlandaryna» qaıtyp oralmaımyn
ASTANA. QazAqparat - «Astana» prezıdenttik klýbyna qosylsań, «Arlandar» sapyna qaıta qabyldaýǵa daıynbyz, dep Baqtııar Artaev arnaıy kezdesip, usynystaryn aıtty. Baqtııar ǵana emes, «Astana arlandary» kásibı boks klýbynyń dırektory Bolat Mankenov aǵamyz da qaıta kelýimdi suraǵan. Rıo-de-Janeıro Olımpıadasyna joldamaǵa talasýyma múmkindik bar ekenin de aıtty. Men bas tarttym, - deıdi boksshy Qanat Islam «Sport» basylymyna bergen suhbatynda. Bul týraly alaman.kz saıty jazady.
Saıtta sondaı-aq sońǵy kezderi boks jankúıerleri arasynda «Qanat Islamnyń «Arlandar» sapyna qaıtyp oralýy múmkin», degen áńgimeniń jıi aıtylyp júrgeni týraly jazylǵan.
«Ózderińizge belgili, men qazir kásipqoı boksta júrmin. Bir jylda 16 kezdesý ótkizip, barlyǵynda jeńiske jettim. Onyń 14-i nokdaýn, 2-ýi nokaýt. 15-shi kezdesýimde kolýmbııalyq Emılıo Hýlıo Hýlıony jeńgennen keıin, WBA tujyrymy boıynsha ortasha jeńil salmaqta Fedecaribe (Amerıka jáne Karıb teńizi aımaǵy chempıony) chempıony atandym. Bul - Álem chempıony ataǵyna jaqyndaý degen sóz. Osyndaı deńgeıge jetip alyp, kásipqoı boksty qalaı tastap ketemin?! Sondyqtan, kelisim bergen joqpyn»,-deıdi ol.
