Qanat Islam Almatyda ótetin Mahambet pen Isataıdy eske alý týrnırine keledi

ASTANA. QazAqparat - Belgili boksshy Aıdar Sháribaevtyń Almatydaǵy sport klýbynda áýesqoı bokstan Mahambet Ótemisuly men Isataı Taımanulyn eske alý týrnıri bolady, dep habarlaıdy QazAqparat tilshisi Qazaqstan Boks federatsııasynyń baspasóz qyzmetine silteme jasap.

Federatsııanyń málimdeýinshe, týrnır 2-3 naýryz kúnderi ótedi. Jekpe-jekterdi tamashalaý úshin qurmetti qonaqtar, sonyń ishinde tanymal kásipqoı boksshy Qanat Islam da keledi.

Týrnırdiń ekinshi kúni bolatyn fınal kezdesýleri aıasynda jankúıerler arasynda bokspen aınalysýǵa beriletin tegin abonementterdiń utys oıyny uıymdastyrylady.

Bıyl qazaq batyrlaryn eske alý maqsatyndaǵy týrnırlerdi jyl boıy, aı saıyn ótkizý josparlanǵan. Belgili kásipqoı boksshy Aıdar Sháribaev osyndaı bastamany kóterip shyqty.

Avtor: Azamat Syzdyqbaev