Qanat Islam alǵashqy jeńilisinen keıin rıngke qaı kúni shyǵatyny belgili boldy
ASTANA. QazAqparat - Belgili bylǵary qolǵap sheberi Qanat Islam mansabyndaǵy alǵashqy jeńilisinen keıin sharshy alańǵa qaı kúni shyǵatyny belgili boldy, dep habarlaıdy QazAqparat.
Sports.kz saıtynyń málimetinshe, qazaqstandyq boksshy Qanat Islam (28-1, 22 KO) aldaǵy eki aptanyń shamasynda rıngke oralady.
Q.Islamnyń jattyqtyrýshysy Rodjer Romo boksshynyń kelesi jekpe-jeginiń naqty kúnin 7 qazanǵa belgiledi. Qazaq boksshysynyń qaıda jáne kimmen judyryqtasatyny ázirge anyqtalǵan joq.
Eske sala keteıik, Qanat Islam aqpan aıynda sońǵy jekpe-jegin ótkizip, kásipqoı boks mansabyndaǵy alǵashqy jeńilisine ushyraǵan bolatyn. Ol brıtandyq Djımmı Kellımen (26-3, 10 KO) qolǵap túıistirip, jeńilip qalǵan edi. Bul jekpe-jekte orta salmaqtaǵy WBO Global tıtýly sarapqa salynady. Islam buǵan deıin WBO International tıtýlyna ıe bolǵan.
Ashyq kózderden alynǵan foto
